Kryeministri i Kosovës, Albin Kurti ka kujtuar Ukshin Hotin në 25 vjetorin e zhdukjes së tij.
Kurti me anë të një postimi në Facebook ka thënë se Kosova e shqiptarët në përgjithësi nuk kanë një politikan filozof e teoreticien të politikës sikur ai, shkruan Arbresh.info.
“Drejtësia për të nuk ka filluar ende.”, tha mes të tjerash Kurti.
Në këtë ditë, ai kujtoi edhe përvjetorin e vdekjes së heroinës Marte Tunaj.
Kryeministri u shpreh se ajo me guxim tregoi të vërtetën për dhunën seksuale, të përdorur nga Serbia si armë lufte në Kosovë.
“Për këto krime, drejtësia është vonuar. Ҫdo ditë kujtojmë krimet e pamohueshme që Serbia ka kryer në Kosovë.”, shtoi ai.
Kurti tha se 25 vite pas, Serbia jo vetëm që nuk pranon këto krime por ende i fsheh ato.
“Për paqe dhe siguri në rajonin tonë, ballafaqimi me të kaluarën dhe përballja me drejtësinë janë të domosdoshme.”, u shpreh shefi i qeverisë.
“Republika jonë nuk ndalet në betejën për drejtësi për të gjitha krimet e kryera nga Serbia gjatë luftës në Kosovë.”, theksoi ai.
“I përkulemi guximit e sakrificës së popullit tonë, që janë udhërrëfim për ecjen tonë përpara.”, përfundoi kryeministri Kurti./Arbresh.info/
Dubois ‘i fik dritat’ Joshuas dhe mbron titullin...
Sekretet e mbijetesës në orbitë
”Google” shton rregullat, kontrolle kundër falsifikimeve dhe...
Kur barnat kundër dhimbjeve fillojnë të ndikojnë?
Consumer Reports zbulon dhjetë veturat më të mira dhe më të ...
10 këshilla që fëmija juaj të krijojë zakone të shëndetshme ...