Kryeministri i Kosovës, Albin Kurti, bashkë me Shefin e Stafit të tij, Luan Dalipi, dhe këshilltaren e Ministrisë së Arsimit, Shkencës, Teknologjisë dhe Inovacionit, Donika Kastrati, mirëpriti ish-drejtorin e USAID në Kosovë dhe anëtarin e bordit të Fondit Kosovar Amerikan për Arsim (KAEF – Kosovo American Education Fund), Dale Pfeiffer.
Gjatë takimit, u diskutua rreth arsimit në Kosovë, përfshirë sfidat si dhe hapat e nevojshëm për të përmirësuar cilësinë në të gjitha nivelet, përcjell Arbresh.info.
Kryeministri Kurti theksoi rëndësinë e investimeve në arsim si një prioritet i qeverisë.
Ai veçoi rritjen e buxhetit të përgjithshëm për arsimin, dhe shtimin e bursave për studentë, veçanërisht për studente vajza dhe gra në fushat STEM.
“Javën e kaluar u ndanë 1882 bursa për studente në fushat STEM, duke e ngritur numrin në gjithsej 4630 bursa për gra dhe vajza në këto fusha për tri vite akademike radhazi.”, ka thënë ai.
“Me rritjen e numrit të studenteve në këto drejtime zvogëlojmë pabarazitë sociale dhe mbështesim pavarësimin ekonomik të grave dhe vajzave.”, u shpreh ai./Arbresh.info/
Kurti takon ministren e Arsimit të Bosnjës, diskutojnë mundë...
Shqipëria U-15 barazon në miqësore me Malin e Zi
Vrasja e Afrim Bunjakut një vit më parë në Banjskë, Ministri...
Kurti: Afrim Bunjaku është heroi që dëshmon vërtetësinë e po...
Italia kujton heroin Afrim Bunjaku: Të përfshirët do të mbaj...
Mundësia e një konflikti rajonal ndërsa Izraeli godet Libani...