Kryeministri i vendit, Albin Kurti është shprehur i gëzuar për hapjen e negociatave të Shqipërisë për anëtarësim në Bashkimin Evropian.
Kurti me anë të një postimi në Facebook, ka uruar Shqipërinë dhe popullin shqiptarë duke i dëshiruar rrugëtim pa pengesë e progres të bazuar në meritokraci, përcjell Arbresh.info
“Me vendimin për hapjen e kapitujve të parë për anëtarësim në familjen evropiane, integrimi i Shqipërisë në Bashkimin Evropian, nga sot filloi një kapitull të ri e vendimtar. I gëzohemi fort kësaj arritjeje të Shqipërisë! Urime popullit dhe qeverisë shqiptare! U dëshiroj rrugëtim pa pengesa e progres të bazuar në meritokraci dhe përmbushje të reformave prej të cilave së pari përfitojnë qytetarët dhe vendi”, ka shkruar Kurti.
“Bashkimin Evropian e kemi qëllim të përbashkët me Shqipërinë, jo vetëm si cak anëtarësimi, por edhe si vlerë e shoqërive tona demokratike, mirëqenie për qytetarët tanë dhe orientim i dy shteteve tona. Nga ky rrugëtim që Shqipëria po e nis sot pa dyshim që do të përfitojë edhe Kosova jonë në mësime dhe përvoja me të cilat i afrohemi edhe më shumë Shqipërisë e bashkë Bashkimit Evropian”, ka shkruar Kurti./Arbresh.info
Arrestohet 27-vjeçari nga Kosova në “Rinas”
Rasti i rezervave shtetërore, Supremja: S’pati keqpërdorime ...
Erdogan ngre dyshime për OKB: Si mund të mbrojë të tjerët, p...
Biseda Mihali-Krasniqi, reagon Pacolli: Kam qenë i vetmi që ...
Tetori rozë, Osmani: Ky muaj na rikujton rëndësinë e qëndrim...
KPK miratoi shpallja e konkursit për kryeprokurorin e Prokur...