Kurti: Gjendja në veri momentalisht është e sigurt

11:50 | 18 Prill 2023
K.B

Kryeministri i Kosovës, Albin Kurti, ka deklaruar se momentalisht gjendja në veri është e sigurt, sa i përket mbajtjes së zgjedhjeve të dielën e 23 prillit.

Kurti para gazetarëve theksoi se është në kontakt të vazhdueshëm me Ministrinë e Punëve të Brendshme, Policinë e Kosovës dhe me bashkësinë ndërkombëtare në lidhje me këtë çështje, e cila sipas kryeministrit, nuk është shqetësuese,, të paktën për momentin.

“Çështja e sigurisë më shumë është çështje e ministrisë përkatëse se sa e imja, por ne jemi në kontakt të vazhdueshëm në çdo moment edhe me Policinë e Kosovës dhe veçanërisht me ndërkombëtarët dhe misionet e tyre diplomatike këtu, dhe momentalisht nuk kemi parë indikacione të cilat na çojnë te një tensionim i mundshëm i situatës dhe që cenojnë sigurinë në atë pjesë të vendit”, tha Kurti.

Këto ai i tha pas vendosjes së gurthemelit të Agjencisë Kadastrale të Kosovës./Arbresh.info/

lexo edhe:

Kurti fton serbët të votojnë të dielën: Kosova është e të gjithëve

Shpërndaje në rrjete sociale

Lajmet më të lexuara

Të ngjashme

Foto lajm