Në 25-vjetorin e çlirimit të Kosovës, kryeministri i vendit, Albin Kurti, mirëpriti në takim presidentin e Republikës së Shqipërisë, Bajram Begaj.
Teksa uruan njëri-tjetrin, Kurti falënderoi Presidentin Begaj për ndihmën e vazhdueshme të Shqipërisë ndaj Kosovës para, gjatë e pas çlirimit, përcjell Arbresh.info
Mirënjohje ndaj Shqipërisë shprehu edhe për përkrahjen në rrafshin ndërkombëtar, votën dhe avokimin për anëtarësimin e Kosovës në organizata ndërkombëtare dhe rolin e përfaqësuesve të Shqipërisë në takime e organizata të rëndësishme në të cilat Kosova ende nuk është anëtare. Presidenti Begaj u shpreh se Shqipëria ishte, është e do jetë gjithmonë përkrah Kosovës.
“Bashkëbiseduan për arritjet e përbashkëta, sikurse bursa ALPEX tash së fundmi, dhe sfidat e projektet e radhës që na përbashkojnë edhe më shumë. U veçua projekti i Hekurudhës Prishtinë-Durrës, për të cilin kryeministri Kurti tha se është projekti më i rëndësishëm i dekadës. Ndërkohë, bashkëpunimi ndërshtetëror po thellohet me zbatimin e marrëveshjeve ndërqeveritare. Sot u bë inaugurimi i korsive të veçanta për kalimin kufitar dhe hapjen e 20 vendkalimeve të veçanta për banorët e brezit kufitar, duke e bërë kufirin mes nesh çdo ditë e më të pavërejtshëm”, njofton ZKM.
U bisedua për shtimin e bashkëpunimit dhe shkëmbimeve në fushën e arsimit, po edhe në fushën e mbrojtjes.
Pjesë e delegacionit të Zyrës së Presidentit të Republikës së Shqipërisë ishte Hemion Braho, Drejtor i Kabinetit, Ilir Melo, Këshilltar Diplomatik, Arta Sakja, Këshilltare Politike dhe për Çështje Sociale, Alma Sina, Këshilltare për Protokollin, dhe ambasadori i Shqipërisë në Kosovë, Petrit Malaj.
Në anën tjetër, kryeministri Kurti ishte i shoqëruar nga ambasadori i Kosovës në Shqipëri, Skender Durmishi, Shefi i Stafit, Luan Dalipi, Sihana Mehmeti dhe Rinë Zhitia nga Sekretariati Koordinues Ndërqeveritar Kosovë – Shqipëri, Këshilltari Politik, Jeton Zulfaj dhe Zëdhënësi i Qeverisë, Përparim Kryeziu./Arbresh.info
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...