Kryeministri i Republikës së Kosovës, Albin Kurti ka biseduar sot me Zëvendës Ndihmës Sekretarin e Shteteve të Bashkuara për Çështje Evropiane dhe Euroaziatike, njëherësh mbikëqyrës i politikave të vendeve të Ballkanit Perëndimor, Gabriel Escobar.
Biseda sipas njoftimit të Qeverisë u përqendrua rreth zhvillimeve në Ballkanin Perëndimor dhe rëndësinë e paqes dhe stabilitetit në këtë rajon.
Gjatë kësaj bisede, Kurti tha se integrimi i plotë i Ballkanit Perëndimor në Bashkimin Evropian dhe NATO është përcaktues për garantimin paqes dhe stabilitetit në rajon dhe kontinentin e Evropës. Escobar në anën tjetër tha se Shtetet e Bashkuara të Amerikës mbështesin Kosovën dhe synimet e saj drejt integrimeve evropiane dhe euro-atlantike, shkruan arbresh.info.
“Gjatë bisedës telefonike u diskutua edhe rreth bisedimeve ndërmjet Kosovës dhe Serbisë të lehtësuara nga Bashkimi Evropian. Në lidhje me këtë, kryeministri Kurti tha se Kosova angazhohet për një dialog parimor, drejt një marrëveshje ligjërisht të obligueshme në qendër të së cilës është njohja recipropoke. Ndërkaq,
Zëvendës Ndihmës Sekretari i Shteteve të Bashkuara për Çështje Evropiane dhe Euroaziatike, Escobar u shpreh se ShBA-të mbështesin këtë proces dhe janë të përkushtuara që të ketë përparim drejt qëllimit final të tij”, thuhet në njoftim./arbresh.info/
Përfundon marrëveshja e lëvizjes së lirë mes Kosovës dhe Shq...
Qeveria thotë se po angazhohet që ta ruaj pozitën në Procesi...
IPK rekomandon suspendimin e një polici, dyshohet për zbulim...
Hamza diskuton me qytetarët në Gjakovë për të ardhmen e Koso...
Ushtria izraelite vret komandantët e Hezbollahut në Libanin ...
Akuza të rënda, Diddy thyen heshtjen nga burgu