Google ADS

Kurti: Bamirësia nuk pakëson, ajo shumëfishon

22:47 | 20 Nëntor 2024
Q L

Kryeministri i Kosovës, Albin Kurti, mori pjesë në hapjen solemne të Selisë Qendrore të Shoqatës Humanitare Bamirëse “Bereqeti”.

Kurti në Facebook tha se Shoqëria nuk matet nga pasuria që e grumbullon, por nga mënyra se si ajo kujdeset për më të dobëtit, shkruan Arbresh.info.

“Bamirësia nuk është thjeshtë një akt dhurimi, është forca që i lidh zemrat, që e mbron dinjitetin e secilit pa dallim. Por, bamirësia nuk ka të bëjë veç me pasurinë. Edhe një buzëqeshje është bamirësi, një fjalë e mirë është bamirësi, një hap drejt dikujt që ka nevojë është bamirësi. Në këto gjeste të vogla qëndron fuqia për të ndryshuar jetën e një individi dhe ndoshta edhe të një shoqërie të tërë.”

Tutje Kurti tha se bashkërisht jemi të përkushtuar që t’i forcojmë vlerat e barazisë e të drejtësisë, të lirisë e dinjitetit njerëzor, dhe t’i ndërtojmë edhe më tej urat e bashkëpunimit e progresin që s’e lë asnjë njeri mbrapa./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm