Kurteshi: Jo Homofobisë, jo ndjekjes së shtrigave

14:05 | 30 Maj 2019
Arbresh.info

Është mbajtur sot protestë për gruan rome e cila dje u pretendua se është person i rrezikshëm për fëmijët, raportime që quan në një sulm fizik ndaj saj.

Kjo protestë ishte e thirrur nga deputeti i Vetëvendosjes, Sami Kurteshi, shkruan arbresh.info.

Thirrjen e kësaj proteste, deputeti Kurteshi, e ka bërë përmes një postimi në Facebook, në një protestë të cilën ai e ka quajtur kundër homofobisë.

Kurteshi me këtë rast tha se gruas së sulmuar iu është cënuar dinjiteti njerëzor.

“Ky rast nuk ka asnjë bazë, sepse  është brutal. Kjo grua është e komunitetit rom, dhe iu është cënuar dinjiteti njerëzor, dhe se dinjiteti njerëzor është vlera e njeriu”, deklaroi Kurteshi.

Gjithashtu, për këtë rast ka reaguar edhe KMDLNj, që sipas tyre pa asnjë arsye dhe pa asnjë faj iu nënshtrua një degradimi dhe linçimi publik me ç’rast, në Lipjan iu rrezikua jeta nga një grup huliganësh që, përveç se e fyenin në baza racore, e gjuanin me gurë duke ia rrezikuar jetën./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm