Kurteshi i kërkoi dorëheqjen, përgjigjet Haziri: Vetëm nëse e kandidoni Albin Kurtin për kryetar të Gjilanit

00:31 | 9 Tetor 2019
Trina Galanxhi

Nënkryetari i LDK-së që ishte edhe shef i shtabit zgjedhor të kësaj partie në zgjedhjet e 6 tetorit, Lutfi Haziri ka reaguar ndaj deklaratave të Ismajl Kurteshit që i kishte kërkuar dorëheqjen atij pas rezultateve të zgjedhjeve në Gjilan.

Haziri në “Debat Plus” me Ermal Pandurin në RTV Dukagjini ka thënë se Ismajl Kurteshin e ka mundur tri herë në Gjilan dhe sipas tij ai nuk ka të drejtë të kërkojë dorëheqjen e tij.

“Njeriun që e kam mundur tri herë në garë direkte nuk ka drejtë të më kërkojë dorëheqjen. E kam mundur atë dy herë si kandidat të PDK-së e një herë si kandidatë të Vetëvendosjes”, tha ai, përcjell Telegrafi.

Haziri ka thënë se e kupton Kurteshin pse ka kërkuar dorëheqjen por sipas tij duhet të ndahet gara për zgjedhje lokale me ato të nivelit qendror.

“Vetëm nëse kandidon [Ismajl Kurteshi] zotin Kurti për ta bërë kryetar të Gjilanit, ndryshe nuk ka të drejtë [të kërkojë dorëheqjen]”, tha ndër të tjera Lutfi Haziri.

Shpërndaje në rrjete sociale

Lajmet më të lexuara

Të ngjashme

Foto lajm