Deputeti në Kuvendin e Kosovës nga radhët e Lëvizjes Vetëvendosje, Sami Kurteshi, me anë të një shkrimi në llogarinë e tij në rrjetin social Facebook e ka quajtur gënjeshtër dorëheqjen e Ramush Haradinaj nga posti i kreyministrit të Kosvës për shkak të ftesës nga Gjykata Speciale.
“Dorëheqje për shkak të ftesës nga Gjykata Speciale në Hagë si i dyshuar. Rrenë e kulluar, kalkulim perfid e mashtrues politik!”, ka shkruar Kurteshi.
Tutje ai ka shtuar se ekziston një mundësi e madhe që Haradinaj të ftohet sërish, pasi që prokuroria nuk ka mundur të e përfundojë punën për shkak të zgjedhjes së Haradinaj që të mbrohet në heshtje.
Ky është shkrimi i plotë i tij:
ZHBËRJA E SHTETIT (4) – GËNJESHTRA E HARADINAJT
Dorëheqje për shkak të ftesës nga Gjykata Speciale në Hagë si i dyshuar.
Rrenë e kulluar, kalkulim perfid e mashtrues politik!
Nëse është i dyshuar, ai ka mbetur i dyshuar. Aq më shumë nëse gjykata apo prokuroria nuk e ka përfunduar punën për shkak tē “heshtjes” së këshilluar. Rreziku për ta ftuar sërish, si “i dyshuar”, madje edhe si të akuzuar, mbetet aktual dhe i pashmangshëm. Prandaj kthimi në postin e dorëhequr pas kësaj loje mashtruese, është vetëm pangopshmëri me zhvatje të buxhetit të shtetit.
Haradinaj ka gënjyer me ftesën. Në asnjë rast dhe mënyrë nuk ka qenë i ftuar si i dyshuar! Një ftesë, nëse ka ekzistuar një e tillë, ajo nuk ka qenë si i dyshuar. Ai as e ka bërë dhe as nuk do ta bëjë kurrë transparente çështjen e ftesës. Pse?
Sepse në të vërtetë frika e rrëzimit të qeverisë nga vetë partnerët e koalicionit, që janë bashkuar me qëllim zhvatjeje, mashtrimi, korrupcioni, hajnie e krimi të organizuar institucional dhe në thelb ka tradhëtinë dhe mashtrimin, është arsyeja e dorëheqjes nga pozita e Kryeministrit dhe jo ftesa nga Haga. RRENË ME BRIRË!
#Poshtëzhbërësiteshtetitdhegënjeshtarët
Goditet një laborator i drogës në Prishtinë, Sveçla thotë se...
Islami: E gjithë kjo iniciativë e Serbisë është luftë për do...
Vrasja në Aktash/ Paneli për Lirim me Kusht kishte vendosur ...
Hasani në OKB, pritet firmosja e marrëveshjeve për liberaliz...
Profesori serb: Politika e Millosheviqit është rikthyer në S...
Alarmi taktik i Kurtit për rrezikun e konflikteve nga Serbia