Google ADS

Kufijtë e Kosovës nuk negociohen, thotë AAK’ja

21:33 | 29 Gusht 2018
M. A.

Aleanca për Ardhmërinë e Kosovës ka mbajtur sot një takim të udhëheqjes së saj më të lartë. I pranishëm ishte edhe shefi i partisë, Ramush Haradinaj, njëherësh kryeministër i Kosovës.

Në këtë takim “njëzëri është rikonfirmuar qëndrimi se kufijtë e Kosovës janë të panegociueshëm dhe AAK e deputetët e saj janë në favor të çdo nisme, që është pro këtij qëndrimi”, ka bërë të ditur nënkryetari i AAK’së, Pal Lekaj.

“Kufijtë e Kosovës nuk negociohen!”, ka shkruar Lekaj në llogarinë e tij në Facebook.

“Ajo që do të jetë krejtësisht e papranueshme për ne si AAK, janë nismat që për qëllim mund të kenë përplasjet e kusuritjet personale ndaj përfaqësuesve politikë e institucional, duke mos përjashtuar këtu as presidentin”, ka thënë Lekaj.

“Për hirë të informimit të opinionit publik, ne jemi pro çdo nisme që për qëllim ka paprekshmërinë e kufijve të Kosovës!”, është shprehur ai.

 

 

Shpërndaje në rrjete sociale

Lajmet më të lexuara

Të ngjashme

Foto lajm