Google ADS

Kryetari i Vushtrrisë dorëzoi projekt buxhetin për vitin 2024, në Kuvendin e Komunës

16:23 | 1 Shtator 2023
Diellza Gashi

Kryetari i Komunës së Vushtrrisë, Ferid Idrizi sot ka dorëzuar projekt buxhetin për vitin 2024, në Kuvendin Komunal.

Kjo është bërë e ditur nga njoftimi i faqes zyrtare të kësaj komune, ku thuhet se deri te ky planifikim ka ardhur me ndihmën e qytetarëve, shkruan Arbresh.info.

Siç thuhet në njoftim për përpilimin e këtij projekti janë marrë parasysh brengat e banorëve të fshatrave të kësaj komune.

“Kryetari i Komunës së Vushtrrisë, Ferit Idrizi, e ka dorëzuar sot projekt buxhetin për vitin 2024 në Kuvendin e Komunës, nga ku tash do të vazhdohet me procedura të tjera ligjore deri tek miratimi nga anëtarët e Kuvendit të Komunës së Vushtrrisë”, thuhet në njoftimin e Komunës.

“Pjesë e dëgjimeve buxhetore ishin gratë, të rinjtë, pensionistët, artistët, sportistët, bujqit dhe përfaqësuesit e shoqërisë civile”, thuhet tutje. /Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm