Kreu i Kuvendit Kadri Veseli ka biseduar me njërin nga të mbijetuarit e Holokaustit që ka lindur në qytetin e Prizrenit.
Bëhet fjalë për Raul Teitelbaum i cili është përzgjedhur për hapjen e ceremonisë së sivjetme përkujtimore Yad Vashem, transmeton portali arbresh.info.
Veseli ka ftuar zotëri Teitelbaum për vizitën në Kosovë, ftesë të cilën e ka pranuar me shumë kënaqësi ky i fundit.
Shkrimi i plotë i kryekuvendarit Veseli:
Në mesin e gjashtë të mbijetuarve të Holokausit, që këtë vit janë përzgjedhur për hapjen e ceremonisë përkujtimore, Yad Vashem, të gjashtë milionë viktimave të tij, këtë vit ishte edhe Raul Teitelbaum, hebre i lindur në Prizren.
Sot bisedova me të në telefon. I emocionuar, më falënderoi dhe shprehu respektin dhe dashurinë për vendin tonë. Z. Teitel e ftova për vizitë në Kosovë dhe me kënaqësi e pranoi ftesën.
Ne jemi pasardhës të burrave dhe grave, që në ditët më të rënda për hebrenjtë, gjatë Luftës së Dytë Botërore, hapën dyert dhe zemrat për t’i strehuar e mbrojtur hebrenjtë e ikur nga persekutimi nazist.
Njësoj si ata, edhe ne sot, bashkëndjejmë me vuajtjet e viktimave të Holokaustit.
Ne jemi krenarë me heroizmin e treguar ne ato kohë, si dhe me miqësinë e dy popujve tanë që ata na lanë trashëgimi./Arbresh.info/
Osteoporoza, shtohet një tjetër faktor rreziku
A kërcënohet demokracia pas zgjedhjeve në Austri?
“Mjeshtri” Flick brenda katër ditëve deklasoi Bayernin dhe R...
“Flas me gjethen” nga Endrit Krasniqi, shpallet kënga fitues...
ShBA pritet t`i shesë Tajvanit armatime të reja
Si të dini që mashkulli dëshiron vetëm flirt: Gjuha e trupit...