Kryetari i Kuvendit të Republikës së Kosovës, Kadri Veseli, ka pritur sot në takim ministrin e Punëve të Jashtme të Sllovenisë, Karl Erjavec, i cili po qëndron për vizitë në vendin tonë.
Sipas njoftimit për media në takim u diskutua për raportet në mes të të dyja vendeve dhe mundësitë e avancimit të tyre në shumë fusha, veçanërisht në sferën ekonomike.
“Pasi e njohu kryediplomatin slloven për zhvillimet në Kosovë dhe në Kuvendin e saj në veçanti, me fokus në agjendën evropiane si prioritet nacional, kryetparlamentari Veseli e falënderoi atë për kontributin e vazhdueshëm të Sllovenisë në drejtim të fuqizimit të shtetësisë së Kosovës, zhvillimit ekonomik, si dhe për përkrahjen në rrugën e integrimeve euro-atlantike”, thekson njoftimi.
Po ashtu sipas këtij njoftimi Veseli shtroi nevojën e intensifikimit të mëtejmë të marrëdhënieve ndërparlamentare dhe vazhdimit të përkrahjes së Lubjanës zyrtare për Kosovën edhe në të ardhmen.
Ministri i jashtëm slloven, Erjavec, nga ana e tij, theksoi se mbështetja e Sllovenisë për Kosovën nuk do të mungojë, si në sektorin ekonomik, ashtu edhe në realizimin sa më të suksesshëm të procesit të euro-integrimeve dhe anëtarësimit në organizatat ndërkombëtare.
Pamje brenda dasmës madhështore të Dafinës me Kreshnikun
Sfida e buxhetit, banorët duhet të kapin peshqit në akuarium
5 të vrarë nga sulmet me raketa në Ukrainën qendrore dhe në ...
Hidhet granatë në shtëpinë e polices serbe në Zveçan
Hamza në Suharekë: Do të jemi përkrah cdo qytetari, do t’ua...
Bashkimi i pathyeshëm, mposht Pejën në “Karagaçi”