Google ADS

Kryeminstri Kurti tregon kushtin për tërheqjen e vendimit për targat serbe

13:04 | 22 Shtator 2021
A. B.

Kryeministri i Kosovës, Albin Kurti, në një konferencë për media ka bërë të ditur se tërheqja e vendimit për vendosjen e reciprocitetit të targave serbe, mund të bëhet vetëm nëse një gjë të tillë do ta bëjë edhe pala serbe.

Kryeministri tha se këtë qëndrim të tij ia ka paraqitur edhe përfaqësuesit të BE-së për dialogun Kosovë-Serbi, Miroslav Lajçak, raporton arbresh.info

Tutje Kurti ripërsëriti se ai është i gatshëm që të ulet dhe të bisedojë për këtë temë me palën serbe.

“Jam zotuar edhe para përfaqësuesve të Bashkimit Europian për heqjen e masës së vënë para dy ditëve në veri të Mitrovicës. Por, për ta marrë këtë vendim, duhet të ketë zotim se të njëjtën gjë do ta bëjë edhe Serbia. Ky vendim nuk është për inat e as kundër askujt. Mirëpo, është një e drejtë edhe ligjore edhe morale. Ne jemi të gatshëm që të takohemi me palën serbe kurdo e kudo, për të biseduar për këtë çështje”, deklaroi Kurti. / arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm