Kryeministri i Republikës së Kosovës, Albin Kurti, në kuadër të vizitës zyrtare në Britani të Madhe, takoi Sekretaren britanike për Punë të Jashtme, Liz Truss.
Gjatë takimit u theksuan marrëdhëniet shumë të mira bilaterale dhe mundësitë e rritjes së shkëmbimeve tregtare ndërmjet të dy vendeve, shkruan arbresh.info.
Duke shprehur mirënjohjen e Qeverisë së Republikës së Kosovës, për mbështetjen e vazhdueshme të Mbretërisë së Bashkuar për Kosovën, Kryeministri Kurti theksoi përkushtimin për thellimin dhe zgjerimin e mëtejmë të bashkëpunimit dhe fuqizimin e marrëdhënieve bilaterale.
Sekretarja Truss theksoi se Qeveria Britanike e konsideron Republikën e Kosovës si aleate shumë të rëndësishme në rajon.
Duke biseduar për sigurinë, u theksuan sfidat që vijnë nga invazioni dhe agresioni i pajustifikuar i Federatës Ruse në Ukrainë.
U pajtuan për domosdoshmërinë e shtimit të veprimeve kundër këtij invazioni ilegal rus në Ukrainë dhe sfidimin e ndikimit malinj në rajonin e Ballkanit Perëndimor. /arbresh.info
BE-ja u bën thirrje Izraelit dhe Hezbollahut të tregojnë për...
Tërmet në Maqedoninë e Veriut
Kaosi në Kuvendin e Shqipërisë, PS-ja pritet të kërkojë përj...
Komandanti i KFOR-it dhe kreu i ushtrisë shqiptare flasin pë...
Ndërron jetë dizajneri legjendar i Mercedes
Kafshët shtëpiake ulin stresin dhe ngadalësojnë plakjen