Kryeministri Kurti takoi përfaqësuesin e BE-së, ku u diskutua procesi i dialogut dhe njohja reciproke

21:46 | 3 Qershor 2022
Fjolla Bajraktari

Në Bratisllavë të Sllovakisë, Kryeministri i Republikës së Kosovës, Albin Kurti zhvilloi një takim me Përfaqësuesin Special të Bashkimit Evropian për Dialogun Kosovë-Serbi dhe çështje të tjera rajonale të Ballkanit Perëndimor, Miroslav Lajčák, i cili po ashtu po merr pjesë në Forumin e Bratisllavës, GLOBSEC 2022.

Me Lajčák, kryeministri ishte edhe pjesë e panelit të diskutimit “Tani ose kurrë – Duke zhbllokuar të ardhmen evropiane për Ballkanin Perëndimor”, në të cilin foli për procesin e dialogun, parimet, vlerat dhe synimin e qartë të tij, e që është marrëveshja që në qendër ka njohjen reciproke.

Në takimin pas panelit të diskutimit, kryeministri Kurti dhe Përfaqësuesi Special i BE-së, Lajčák folën për mbarëvajtjen e deritanishme të takimeve, rëndësinë komunikimit të rregullt dhe qasjes konstruktive përgjatë tërë procesit./arbresh.info/

​

 

Shpërndaje në rrjete sociale

Lajmet më të lexuara

Të ngjashme

Foto lajm