Google ADS

Kryeministri Hoti premtoi vazhdimin e mbështetjes për gastronomët dhe shitësit me pakicë

11:42 | 4 Dhjetor 2020
M. A.

Kryeministri i Republikës së Kosovës, Avdullah Hoti, takoi sot përfaqësuesit e Shoqatës së Gastronomëve dhe të Rrjetit të Shitësve me Pakicë, të cilëve ju premtoi vazhdimin e mbështetjes financiare me masa konkrete të Qeverisë.

Kryeministri Hoti në këtë takim shpalosi pakon e re të mbështetjes në vlerë prej 200 deri 220 milionë euro për tre mujorin e parë të vitit 2021, ku midis tjerash përfshihet edhe zbritja e TVSH-së nga 18% në 8 % për këtë vit, masa këto të parapara me Ligjin për Rimëkëmbje Ekonomike.

Përfaqësuesit e Shoqatës së Gastronomëve dhe ata të Shoqatës së Shitësve me Pakicë, kërkuan nga Kryeministri Hoti rishikimin e mundësisë për zgjatjen e orarit të punës si dhe ndryshime në mënyrën e shpërndarjes së pakos së re të ndihmës për bizneset për vitin 2021.

Në këtë takim u theksua rëndësia e vazhdimit të bashkëpunimit dhe koordinimit midis Qeverisë dhe komunitetit të biznesit, me qëllim që pasojat e pandemisë Covid-19 të përballohen më lehtë.

Shpërndaje në rrjete sociale

Lajmet më të lexuara

Të ngjashme

Foto lajm