Google ADS

Kryeministri Haradinaj priti familjen e Heroit të Kosovës, Agim Ramadani

14:05 | 17 Tetor 2017
Arbresh.info

Kryeministri i Republikës së Kosovës, Ramush Haradinaj, ka pritur sot në takim familjen e Heroit të Kosovës, Agim Ramadani, bashkëshorten Shukrijen me djalin Edonin, vëllezërit Qazimin e Jasharin, si dhe nipërit Sami Ramadani dhe Muhamet Hajrullahu.

Kryeministri Haradinaj është shprehur se Kosova gjithmonë do të dijë të çmojë heronjtë e saj, sëkëndejmi nëse çmohet Agimi dhe bashkëluftëtarët e tij, shoqëria e çmon veten dhe rrugën e saj euroatlantike.

Kryeministri Haradinaj tha se ai si askush tjetër është në dijeni për sfidat nëpër të cilat kalojnë familjet e dëshmorëve, e sidomos familjet që kanë dhënë heronj për lirinë e atdheut, të cilat janë të interesuara për qeverisje të mirë dhe për ruajtjen e vlerave të lirisë.

Familjarët e Agim Ramadanit e kanë përgëzuar Ramush Haradinajn për zgjedhjen e tij kryeministër i Qeverisë së Republikës së Kosovës, duke i uruar suksese në jetën institucionale të vendit./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm