Kryeministri i Republikës së Kosovës, Ramush Haradinaj, ka përkujtuar sot martirët e fshatit Rezallë të Komunës së Skenderajt, në 19 vjetorin e masakrës.
Kryeministri Haradinaj, tha se masakra në Rezallë, por edhe rënia heroike e dëshmorëve të Kosovës janë dëshmi e përpjekjes për liri dhe pavarësi.
“Kujtojmë sot 98 martirët e Rezallës, të cilët u vranë dhe u masakruan 19 vjet më parë. Me krenari përulemi për të gjithë të rënët, të cilët u flijuan për lirinë e
Kosovës. Amaneti i tyre do të jetoj përherë dhe do të jetë udhërrëfyes i punës tonë në ndërtimin e shtetit dhe të ardhmen e Kosovës”, tha kryeministri Haradinaj.
Kryeministri Haradinaj tha se Kosova nuk ka dilemë për të ardhmen e saj. Kosova do të jetë anëtare e NATO-së, BE-së dhe pjesë e të gjitha integrimeve të tjera euroatlantike, si e vetmja adresë e Kosovës.
Simone Inzaghi tregon se si ekipi i tij humbi derbin me Mila...
6 të vdekur dhe disa të zhdukur nga përmbytjet dhe rrëshqitj...
Java e parë e vjeshtës, ky është parashikimi i motit në Shqi...
Fillon sot qarkullimin autobusi rozë në kuadër të fushatës k...
Mblidhet sot Kryesia e Kuvendit
Vazhdon procesi gjyqësor ndaj ish-krerëve të UÇK-së