Google ADS

Kryeministri Haradinaj kërkon përgjegjësi për vdekjet në QKUK

10:09 | 21 Shtator 2017
Arbresh.info

I pari i ekzekutivit, Ramush Haradinaj, së bashku me ministrin e Shëndetësisë, Uran Ismailin, kanë vizituar sot QKUK’në, më saktësisht Klinikën e Kirurgjisë ku ditë më parë ndodhën disa vdekje të dyshimta.

Haradinaj së bashku me ministrin ka në plan edhe një takim, e që do të zhvillohet më drejtorin e Përgjithshëm të QKUK-së, Curr Gjocajn.

Siç mësohet, arsyeja e vizitës së sotme në QKUK lidhet ekskluzivisht me vdekjet e dyshimta, të cilat ndodhën para disa ditësh e që po vazhdojnë të hetohen.

Metro merr vesh se Haradinaj po kërkon detaje nga ky rast, për të cilin edhe ministri Ismaili kishte kërkuar përgjegjësi, shkruan Metro.

Ndryshe, 4 vdekje të dyshimta ndodhën ditë më parë në QKUK e të cilat po hetohen. Dyshimet ishin hedhur mbi përdorimin e gazit oksidol, por që akoma nuk është vërtetuar deri sa të kthehen rezultatet e analizave nga Shqipëria.

 

Shpërndaje në rrjete sociale

Lajmet më të lexuara

Të ngjashme

Foto lajm