KRU “Prishtina” paralajmëron aksion të madh të shkyçjeve nesër në Veternik

10:08 | 18 Qershor 2024
R J

KRU “Prishtina” ka paralajmëruar aksion të madh ndaj borxhlinjve të mëdhenj të shërbimeve të ujit dhe konsumatorëve ilegalë, në lagjen Veternik.

Përmes një njoftimi, në fokus të aksionit do të jenë bizneset e vogla, bizneset e mëdha dhe amvisëritë.

“Nesër 19 qershor 2024, e mërkurë duke filluar nga ora 10:00 do të kemi aksion të madh me disa ekipe të shkyçjes dhe inspektorë , me fokus konsumatorët që kanë borxhe tejet të mëdha në lagjen Veternik. Nisja bëhet nga objekti i KRU”Prishtina” SH.A.në orën 10:00”, thuhet në njoftim.

Borxhi ndaj shërbimeve të ujit është mbi 45 milionë euro, ku mbi 40 milionë janë nga sektori i amvisërisë dhe mbi 5 milionë nga sektori i bizneseve të vogla e të mëdha.

Shpërndaje në rrjete sociale

Lajmet më të lexuara

Të ngjashme

Foto lajm