KRU “Prishtina” kërkon shpenzim racional të ujit

17:20 | 12 Gusht 2019
L G

Kompania Rajonale e Ujësjellësit “Prishtina”, ka kërkuar nga qytetarët shpenzim racional të ujit të pijshëm.

Në njoftimin e bërë për media thuhet se, temperaturat e larta që po mbizotërojnë mbi vendin tonë kanë bërë që niveli i ujit në liqene akumuluese të bie dalëngadalë.

“Rreth 2.6 miliardë njerëz jetojnë në zona me rrezik të lartë të mungesës së ujit. Sot, mbi vendin tonë po shënojnë temperatura mjaft të larta, niveli i ujit në liqene akumuluese po bie dalëngadalë”, thuhet në njoftimin e bërë nga Kompania Rajonale e Ujësjellësit “Prishtina”.

Tutje KRU “Prishtina”, thotë se ndoshta ne nuk bëjmë pjesë në zonat me rrezikshmëri të lartë furnizimi, por nëse sot nuk e ruajmë ujin e pijshëm, nëse nuk e përdorim drejtë, në periudhë më afatgjatë rrezikojmë të mbetemi pa të. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm