Në përvjetorin e rënies heroike të rreshterit të Policisë së Kosovës, Afrim Bunjaku, kryeministri Albin Kurti bëri homazhe pranë varrit të tij, ku vendosi kurora me lule dhe përuroi rregullimin e pllakës përkujtimore dhe varrit të heroit.
Në këtë ceremoni, homazhe bënë edhe kryetari i Kuvendit, Glauk Konjufca, drejtori i Policisë së Kosovës, Gazmend Hoxha, ministri i Punëve të Brendshme, Xhelal Sveçla, ministrja e Drejtësisë, Albulena Haxhiu, ministri i Mbrojtjes, Ejup Maqendonci, ministri Elbert Krasniqi, Ministrja e Ekonomisë, Artane Rizvanolli, ministri i Kulturës, Hajrullah Çeku, nënkryetarja e Kuvendit, Saranda Bogujevci, shefja e grupit parlamentar të Lëvizjes Vetëvendosje, Mimoza Kusari Lila, kryetari i Mitrovicës së Veriut, Erden Atiç, zëvendësministri i Punëve të Brendshme, Blerim Gashani, ambasadori i Shqipërisë, Petrit Malaj, dhe zëvendësdrejtori i Policisë së Kosovës për rajonin e Mitrovicës së Veriut, Veton Elshani.
Në nderim të njëvjetorit të rënies heroike të rreshterit Afrim Bunjaku, sot do të mbahet një akademi përkujtimore nën patronatin e kryeministrit Albin Kurti.
Ndryshe, një vit më parë, në fshatin Banjskë të Zveçanit, një grup i armatosur i udhëhequr nga ish-politikani Millan Radoiçiq sulmoi Policinë e Kosovës, ku mbeti i vrarë rreshteri Afrim Bunjaku. Radoiçiq ka pranuar se ka organizuar dhe marrë pjesë në këtë sulm.
Ndërsa, Prokuroria Speciale ka ngritur aktakuzë ndaj tij dhe 44 personave të tjerë për veprimtari terroriste. /Arbresh.info/
Ish-portieri i Real Madridit dëshiron të transferohet te Bar...
Gratë ruse përballen me presion pasi kërkuan kthimin e burra...
Haradinaj viziton familjen e Afrim Bunjakut: Ra heroikisht n...
Një vit nga sulmi terrorist në Banjskë, Hovenier: Autorët të...
Pamje nga vizita e Kurtit në shtëpinë e heroit Afrim Bunjaku
Haxhiu: Vepra e Afrim Bunjakut do të mbetet e skalitur në hi...