Google ADS

Krerët e PDK-së vizitojnë Thaçin e Veselin në Hagë: I gjetëm ballëlartë dhe me Kosovën në mendje e zemër

11:13 | 18 Nëntor 2023
K.B

Kryetari i Partisë Demokratike të Kosovës(PDK), Memli Krasniqi bashkë me nënkryetarin e kësaj partie, Uran Ismaili kanë vizituar ish presidentin Hashim Thaçin dhe ish kryeparlametarin Kadri Veselin.

Krasniqi duke folur për vizitën atje, tha se i gjetën ballëlartë si gjithmonë dhe me Kosovën në mendje e zemër.

“Bashkë me Uranin, vizituam përsëri në Hagë, Presidentin Hashim Thaçi e Kryetarin Kadri Veseli. Dyert e hekurta, korridoret e gjata e muret e larta, çdo ditë e më shumë po e humbasin betejën kundrejt zemrave, besimit dhe kurajos së çlirimtarëve tanë.

I gjetëm të gjithë bashkë ballëlartë – si gjithmonë – dhe me Kosovën në mendje e zemër, që vazhdon t’i frymëzojë, t’i mbajë të fortë e krenarë secilin”, shkruan Krasniqi.

Tutje ai shkruan se është gjithmonë pranë tyre, deri në ditën e triumfit të drejtësisë.

“Gjithmonë me ta dhe pranë tyre, deri në ditën e shumëpritur të triumfit të drejtësisë! Sepse, dielli do të lind përsëri”, shkruan ai./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm