Lideri i PDK-së Memli Krasniqi po qëndron për vizitë zyrtare në Maqedoninë e Veriut ku mori pjesë në ceremoninë e organizuar në Universitetin Amerikan të Evropës-FON në Shkup, me ç’rast u takua me eurodeputetin, Ilhan Kyuchyk.
Krasniqi, përmes një postimi në rrjetin social Facebook, bëri të ditur se eurodeputeti Kyuchyk, u nderua me titullin “Doctor Honoris Causa”.
“Para fillimit të vizitës dhe takimeve zyrtare, sot, në Maqedoninë e Veriut, në mesin e shumë zyrtarëve shtetërorë, komunitetit akademik, diplomatëve e përfaqësuesve politikë të partive liberale nga rajoni, mora pjesë në ceremoninë e organizuar në Universitetin Amerikan të Evropës – FON, në Shkup, ku u nderua me titullin “Doctor Honoris Causa” eurodeputeti dhe miku im, Ilhan Kyuchyuk”, ka shkruar i pari i PDK-së.
Ai bëri të ditur se Ilhani, si një raportues për Maqedoninë e Veriut dhe për Kosovën në PE, ka kontribuar në zhvillimin e shkencës, arsimit si dhe në promovimin e vlerave evropiane.
“Si raportues për Maqedoninë e Veriut dhe raportues në hije për Kosovën, në Parlamentin Evropian, Ilhani ka bërë një punë të jashtëzakonshme në promovimin e të ardhmes evropiane për Ballkanin Perëndimor. Ai, gjithashtu, ka kontribuar shumë edhe në zhvillimin e bashkëpunimit shkencor, arsimor, si dhe në promovimin e vlerave evropiane në përgjithësi. Gjithmonë kënaqësi takimi me të!”, tha Krasniqi.
Kryeministri britanik: Vaksina kundër obezitetit ndihmon eko...
Kapiteni i klubit “Bashkimi”, Altin Morina: Luftojmë për çdo...
Policia në rajonin e Mitrovicës së jugut po realizon fushatë...
Balluku: Së shpejti nis ndërtimi i stacioneve të hekurudhës ...
Këshilltari i Kurtit: Jo zbatim të pjesshëm të marrëveshjes,...
Sulmohet fizikisht një person para Gjykatës Themelore në Pej...