Kryetari i Partisë Demokratike të Kosovës, Memli Krasniqi ka vizituar disa familje me rastin e festës së Krishtlindjes.
Me anë të një postimi në Facebook, Krasniqi ka thënë se shtëpia e shqiptarit është e Zotit dhe e mikut e posaçërisht gjatë festave, përcjell Arbresh.info.
“Përtej këtyre, ngrohtësia e vërtetë ishte mikpritja dhe mirësia që më dhuruan familjet e Edi Markut në Dardani, Rrok Lulit në Dujakë dhe Anton Nikollbibajt në Brekoc të Gjakovës, si dhe të Pjetër Përlazrit në Velezhë dhe Mario Palucës në Trepeticë të Prizrenit”, ka shkruar Krasniqi.
I pari i PDK-së u shprehi mirënjohje secilës familje që vizitoi në këtë festë.
“U shpreh mirënjohjen time të përzemërt secilës familje që hapi sot dyert dhe zemrat e tyre për të na mirëpritur në këtë festë të veçantë. Bujaria, mikpritja dhe miqësia juaj më kanë lumturuar shumë, andaj ju jam shumë mirënjohës për kujtimet e bukura që krijuam së bashku”, shtoi ai.
Krasniqi tutje tha se “fryma e kësaj feste le të vazhdojë të shkëlqejë në jetën tuaj, duke përhapur përgjithmonë vetëm dashuri, paqe dhe mbarësi! Për shumë mot Krishtlindjen”.
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...