Ish-kryetari i Kuvendit të Kosovës, Jakup Krasniqi, ka pohuar se ka qenë i ftuar nga Gjykata Speciale në cilësinë e të akuzuarit.
Krasniqi konfirmon tutje se aty është mbrojtur në heshtje.
“Kam qenë i ftuar në cilësinë e të akuzuarit, i akuzuar. Unë nuk kam folur, jam mbrojt në heshtje dhe ne duhet t’i shohim cilat janë akuzat”, ka thënë ai në KTV.
Krasniqi ka thënë tutje se kjo gjykatë po vazhdon ta dëmtojë Kosovën e ta “amnistojë” Serbinë.
“Me këtë gjykatë është dëmtuar Kosova sepse qe pesë vite po flitet për krimet e pretenduara të UÇK-së, nuk e di edhe për sa vite do të flitet por këtu e shoh të amnistuar Serbinë e cila ka kryer krime dhe gjenocid në Kosovë”, tha ai.
Ish-zëdhënësi i UÇK-së ka marrë ftesën nga Gjykata Speciale vitin e kaluar. Ai vetë kishte njoftuar se më 24 korrik të vitit 2019 do të paraqitej në këtë gjykatë për intervistim.
Aksident me vdekje në Bulqizë, makina del nga rruga
Drenusha: Kam hyrë beqare, mund edhe të dashurohem
Man United ‘kontakton’ yllin e Real Madridit – duan ta bëjnë...
Bislimi në takim me ministrin për Bashkimin Evropian të Polo...
Arrestohet një person në Zveçan pasi i gjenden armë në shtëp...
I refuzohet azili gruas nga Taxhikistani që përballet me dëb...