Sot janë bërë 24 vite që nga rënia heroike e komandantit, Ilaz Kodra.
Në përkujtim të tij, kryetari i Partisë Demokratike të Kosovës, Memli Krasniqi ka vizituar familjen e komandantit, në kullën e tij në Prekaz.
Krasniqi më anë të një postimi në rrjetin social Facebook, ka thënë se Ilaz Kodra bashkë me mijëra djem e vajza të UÇK-së që u flijuan për liri, janë themeli mbi të cilën, sipas tij qëndron liria dhe shteti ynë, përcjell Arbresh.info.
“Familja Kodra, Prekazi, Kosova, shqiptarët gjithandej nëpër botë – do të jenë përjetësisht krenarë me komandant Ilaz Kodrën. Lavdi e përjetshme!”, ka shkruar Krasniqi.
Postimi i tij i plotë:
Në 24 vjetorin e rënies së tij heroike, sot vizitova familjen e komandant Ilaz Kodrës, në kullën e tij në Prekaz.
Ilaz Kodra ishte ndër të parët, që bashkë me Komandantin Legjendar Adem Jashari e shokët e tyre të idealit, i dhanë jetë Ushtrisë Çlirimtare të Kosovës.
Ai, bashkë me mijëra djem e vajza të UÇK-së, që u flijuan për liri, janë themeli mbi të cilin qëndron liria jonë dhe shteti ynë i pavarur dhe sovran.
Familja Kodra, Prekazi, Kosova, shqiptarët gjithandej nëpër botë – do të jenë përjetësisht krenarë me komandant
Ilaz Kodrën. Lavdi e përjetshme!
Lexo edhe:
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite