Ministri i Administrimit të Pushtetit Lokal, Elbert Krasniqi ka theksuar se hapja e urës mbi lumin Ibër është një veprim i duhur dhe do t’i ndihmojë bashkëpunimit dhe mirëkuptimin ndërmjet komuniteteve, dhe se një gjë e tillë është paraparë shumë vjet më parë në kuadër të marrëveshjes së arritur në Bruksel.
“Në atë plan thuhet se rivitalizimi i urës do të kontribuojë shumë në lehtësimin e kontakteve ndërmjet të gjithë qytetarëve të Mitrovicës së Veriut dhe Mitrovicës së Jugut dhe kështu do të kontribuojë në zhvillimin dhe mirëkuptimin e tyre. Konsideroj se jo vetëm që nuk ka arsye, por edhe është absurde vazhdimi i mbajtjes së urës mbyllur. Sipas vetë natyrës së urave kjo urë duhet të jetë në shërbim të të gjithë qytetarëve dhe hapja e saj nuk do të jetë dhe nuk është kundër askujt. Jemi të bindur se liria e lëvizjes dhe sundimi i ligjit nuk e rrezikon paqen dhe sigurinë, por përkundrazi e sforcon atë”, tha Krasniqi.
Ai një deklaratë të tillë e bëri gjatë takimit me temën “Bashkëpunimi ndëretnik” në Komunën e Mitrovicës së Veriut, e ku krahas tij po marrin pjesë edhe kryetari i kësaj komune, Erden Atiq, Veton Elshani, zv/drejtor rajonal i Policisë së Kosovës, Jeta Tela shefe e kabinetit të MPB-së, qytetarë si dhe pjesëtarë të shoqërisë civile.
Krasniqi tha se si qeveri i kanë mbështetur qytetarët në përgjithësi, e sidomos qytetarët e komunitetit serb për t’u pajisur me dokumente, gjë që sipas tij ka shënuar rritje.
“Për një qytetari aktive nevojitet edhe roli i qytetarisë aktive, shoqëria civile duhet t’i mbajë të informuar qytetarët”, tha ai.
Ndërkaq, Erden Atiq, kryetar i Komunës së Mitrovicës së Veriut theksoi se gjatë qeverisjes së tij janë munduar që t’i zgjidhin brengat e qytetarëve.
“Kemi të bëjmë me një komunë komplekse, po punojmë me punë të mirëllogaritura që mos të shkaktojmë pakënaqësi. Mbi 90 përqind të qytetarëve që kanë halle dhe brenga i kemi takuar dhe jemi munduar me i zgjidhë hallet e tyre. Demokratizimi është shumë me rëndësi për mua. Sa i përket temës së qarkullimit te lëvizjes së lirë jemi të hapur t’i dëgjojmë brengat dhe t’ju përgjigjemi”, tha ai./rtk
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite