Krasniqi: Enver Zymberi i shërbeu Kosovës me nder deri në frymën e fundit

12:17 | 26 Korrik 2023
K.B

Kryetari i PDK-së, Memli Krasniqi ka kujtuar heroin e Kosovës, Enver Zymberin në 12-vjetorin e rënies.

Krasniqi tha se 12 vite më parë Enver Zymberi sakrifikoi jetën e tij në mbrojtje të integritetit.

“Me të drejtë, sot ai është Heroi i Kosovës së Pavarur, guximi dhe vepra e të cilit do kujtohet ndër breza – si shembull i atdhedashurisë dhe profesionalizmit. Enver Zymberi nuk ishte aksidentalisht polic. Për të, uniforma e policisë ishte vetëm mënyra e tij për t’i shërbyer Kosovës me nder e krenari – gjë të cilën e bëri deri në frymën e fundit”, ka shkruar ai në Facebook.

Ai tha se sot në këtë Ditë Memoriale, kujtojmë jetën dhe veprën e heroit, Enver Zymberi dhe gjithë policëve të rënë në detyrë.

“Andaj, sot, në këtë Ditë Memoriale, kujtojmë dhe nderojmë jetën dhe veprën e Heroit tonë Enver Zymberi dhe të gjithë Policëve të Rënë në Detyrë. Lavdi e përjetshme!”, ka përfunduar shkrimin kreu i PDK-së./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm