Kryetari I Partisë Demokratike të Kosovës, Memli Krasniqi ka thënë se e ka marrë me dhimbje lajmin për vdekjen e profesorit, Shyqri Nimani.

Përmes një postimi në Facbook, Krasniqi ka thënë se Nimani është kontribuues i madh në themelimin dhe zhvillimin e shumë institucioneve të artit në vend.

“Ai ishte pionier i dizajnit grafik në Kosovë, njëri nga themeluesit e Departamentit të Dizajnit Grafik në Fakultetin e Arteve në Universitetin e Prishtinës, si dhe kontribues i madh në themelimin dhe zhvillimin e shumë institucioneve tona të artit”, ka shkruar Krasniqi.

Tutje, i pari i PDK-së u ka shprehu ngushëllime familjrëve, studentëve dhe bashkëpuntorëve të profesor Nimanit.

“Në historinë më të re të shtetit të Kosovës, emri i Shyqri Nimanit do të mbetet përgjithmonë i lartësuar, si mjeshtri që shkroi Deklaratën e Pavarësisë së Kosovës. Ngushëllimet më të sinqerta familjes Nimani, studentëve, miqve dhe bashkëpunëtorëve të profesorit Nimani. Prehu në paqe, Profesor!”, tha në fund Krasniqi./Arbresh.info