Deputeti i PDK-se, Memli Krasniqi ka reaguar pas deklaratës së zëvendëskryeministres Albulena Balj-Halimi, e cila tha se në zyrën që është vendosur nuk kishte asnjë simbol shtetëror.

Krasniqi ka kërkuar nga zëvendëskryeministrja Balaj-Halimi që të tregoj se  zyrën e cilit ish-zëvendëskryeministri e ka zënë, atë të Avdullah Hotit, apo Haki Abazit në Qeverinë Kurti, pasi sipas tij, largimi i simboleve të shtetit nga zyrat e kryeministrisë duhet të hetohen, raporton arbresh.info.

“Ju e dhatë një deklaratë shumë shqetësuese, numri dy i qeverisë. Ju thatë që kur keni shkuar në zyre, normal pa pranim-dorëzim, ju nuk e keni gjetur as flamurin e Kosovës dhe as Deklaratën e Pavarësisë së Kosovës. Nuk e specifikuat një gjë, në zyrën e cilin ish-zëvendëskryeministër e keni nxënë, a je kanë në zyrën  qe ka pas Avdullah Hoti, apo në zyrën që e ka pas Haki Abazi”, tha Krasniqi.

Ai, tha se largimi  i simboleve të shtetit konsiderohet shkelje.

“Është shumë me rëndësi me na specifiku se në zyrën e cili zëvendëskryeministër e keni parë të zhveshur nga simbolet shtetërore, sepse zyrat e kryeministrisë nuk janë zyre të OJQ-ve, madje edhe Organizatat Joqeveritare  është mirë mi mbajt këto simbole, por në institucione shtetërore, është obligim. Me ligj ma merr mendja që specifikohet si kundërvajtje largimi i simboleve të shtetit”, u shpreh Krasniqi.

Sipas tij ,kushdo që i ka hequr simbolet e shtetit të Kosovës, duhet të jetë i turpëruar dhe duhet të jetë i dënuar si rast nga secili njeri që e ndjen veten qytetar i vendit tonë./arbresh.info