Krasniqi: Deklarata Kushtetuese e 2 korrikut, ndër vendimet më të rëndësishme politike e historike

19:35 | 2 Korrik 2024
E.G

Kreu i Partisë Demokratike të Kosovës (PDK), Memli Krasniqi ka thënë se miratimi i Deklaratës Kushtetuese të 2 korrikut është një ndër vendimet më të rëndësishme politike e historike të popullit për çlirim dhe pavarësi.

Krasniqi u shpreh se kjo deklaratë i parapriu hartimit dhe miratimit të Kushtetutës së Kaçanikut si dhe porceseve tjera të shtetndërtimit, shkruan Arbresh.info.

“Mirënjohje për të gjithë delegatët, të cilët përmes kësaj deklarate demonstruan guxim dhe maturi politike duke e shpallur Kosovën njësi të pavarur dhe të barabartë me të gjitha Republikat tjera të ish-Jugosllavisë, ndonëse ndërtesa e Kuvendit ku ata ishin mbledhur, ishte e rrethuar nga policia serbe.”, ka shkruar Krasniqi në Facebook./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm