Google ADS

Krasniqi bën homazhe te lapidari i Zahir Pajazitit: Lavdi e përjetshme për heronjtë e Kosovës

12:37 | 31 Janar 2024
E.K

Kreu i Partisë Demokratike të Kosovës, (PDK), Memli Krasniqi, së bashku me zyrtarë të tjerë të partisë, kanë bërë homazhe tek lapidari i heroit Zahir Pajaziti, në Prishtinë, në 27-vjetorin e rënies së tij, së bashku me Hakif Zejnullahun dhe Edmond Hoxhën.

Me anë të një postimi në Facebook, Krasniqi theksoi se Zahir Pajaziti, Hakif Zejnullahu dhe Edmond Hoxha dhanë edhe jetën më 31 janar të vitit 1997, duke u shndërruar siç tha ai, në shembull dhe frymëzim për gjeneratën e artë të burrave dhe grave të Ushtrisë Çlirimtare të Kosovës.

“Për këtë ideal, ndër pushkët e para të lirisë, dhanë edhe jetën më 31 janar të vitit 1997, duke u shndërruar në shembull dhe frymëzim për gjeneratën e artë të burrave dhe grave të Ushtrisë Çlirimtare të Kosovës. Lavdi e përjetshme për heronjtë e Kosovës!”, përfundoi Krasniqi./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm