KQZ kthen në rinumërim 23 vendvotime me kërkesë të PZAP

15:58 | 6 Korrik 2017
Arbresh.info

Komisioni Qendror i Zgjedhjeve mbajti mbledhjen e radhës në të cilën mori vendim për të rinumëruar 23 Vendvotime për të cilat ka vendosur Paneli Zgjedhor për Ankesa dhe Parashtresa gjatë ditës së sotme.

PZAP, në vendimin të cilin ia ka dërguar KQZ-së ka kërkuar që të bëhet rinumërimi i të gjitha fletëvotimeve të subjekteve politike Kosovaki Nevi Romani Partia (KNRP) dhe Partia Rome e Bashkuar e Kosovës (PRBEK).

Në këtë mbledhje, Komisioni Qendror i Zgjedhjeve urdhëroi Qendrën e Numërimit dhe të Rezultateve për të filluar sot me rinumërimin e Vendvotimeve sipas vendimit të PZAP-it, transmeton arbresh.info.

Sipas vendimit të PZAP-it, 12 Vendvotime janë nga Komuna e Fushë Kosovës dhe 11 tjera nga Komuna e Suharekës.

Rinumërimi pritet të përmbyllet sot meqenëse bëhet fjalë vetëm për rinumërimin e fletëvotimeve të dy subjekteve politike./Arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm