Google ADS

KQZ-ja premton publikim më të shpejtë të rezultateve

11:04 | 17 Nëntor 2017
M. A.

Komisioni Qendror i Zgjedhjeve (KQZ) është duke i bërë përgatitjet finale për zhvillimin e rrethit të dytë të zgjedhjeve këtë të diele në njëzet komuna të vendit.

Zyrtarë të këtij institucioni premtojnë se më 19 nëntor 2017 do t’i publikojnë më shpejt rezultatet preliminare të votimeve për kryetarë të komunave, pasi më 22 tetor si pasojë e problemeve me serverë kishin dështuar t’i publikojnë me kohë ato, shkruan sot GazetaZeri.

Megjithatë, disa nga përfaqësuesit e partive politike në KQZ shprehin dyshime se edhe më 19 nëntor 2017 mund të ketë parregullsi në votime, për shkak të mospastrimit të listave të votuesve nga autoritetet përkatëse.

Valmir Elezi, zëdhënës i KQZ-së, ka deklaruar për “Zërin” se KQZ-ja është duke u përgatitur për rundin e dytë të zgjedhjeve dhe gjithçka po shkon në përputhje me planin operativ për organizimin e zgjedhjeve.

Shpërndaje në rrjete sociale

Lajmet më të lexuara

Të ngjashme

Foto lajm