Komisioni Qendror i Zgjedhjeve ka mbajtur sot mbledhjen e radhës.
Në këtë mbledhje, KQZ-ja, mori vendim për caktimin e afateve të aktiviteteve për organizimin e zgjedhjeve të jashtëzakonshme për Kryetar të Komunës së Podujevës, të cilat do të mbahen më 29 nëntor 2020. Pas këtij vendimi, KQZ miratoi planin operacional për organizimin e zgjedhjeve në këtë komunë, behët e ditur në njoftimin për media.
Sipas vendimit të KQZ-së, këto janë disa nga afatet kohore të aktiviteteve zgjedhore që përfshijnë komunën e Podujevës:
a. Afati për krijimin e Listës së Votuesve, periudha e kundërshtimin dhe konfirmimit fillon më 11 nëntor dhe përfundon më 14 nëntor 2020;
b. Fushata Zgjedhore si dhe afatet për tubimet zgjedhore fillon më 23 nëntor dhe përfundon më 27 nëntor 2020;
c. Dorëzimi i kërkesës për akreditimin e vëzhguesve shtesë të subjekteve politike dhe organizatave vendore fillon më 1 nëntor dhe përfundon më 21 nëntor 2020;
d. Dorëzimi i kërkesës për akreditimin e vëzhguesve shtesë ndërkomëbtar dhe mediave fillon më 25 tetor dhe përfundon më 23 nëntor 2020;
e. Aplikimi për regjistrim si votues jashtë Kosovës fillon më 30 tetor dhe përfundon më 7 nëntor 2020;
f. Aplikimi për regjistrim për votuesit e ngujuar në shtëpi fillon më 2 nëntor dhe përfundon më 6 nëntor 2020;
g. Afati për regjistrimin për votuesit me lëvizje të kufizuar në ndonjë institucion dhe votuesve me rrethana të ve#amta fillon më 16 nëntor dhe përfundon më 19 nëntor 2020.
Në këtë takim KQZ-ja, ka miratuar edhe Planin Operacional për organizimin e zgjedhjeve të jashtëzakonshme për Kryetar të Komunës së Podujevës./arbresh.info/
Drenusha Latifi: Kam frikë që ish-bashkëshorti mund të mi ma...
Lewandowski në treshen e golashënuesëve më të mirë në histor...
O’Brien: Asociacioni nuk krijon një shtresë tjetër të pushte...
Kurti pas takimit me O’Brien: Serbia s’po nënshkruan dhe po ...
Vuçiq nuk merr pjesë në samitin BRICS, Serbia përfaqësohet m...
Hamza në Gjakovë: Me qeverisje të përgjegjshme do ta zhvillo...