Google ADS

KPM i dënon me 100 mijë euro operatorët kabllorë të cilët hoqën kanalet pa i paralajmëruar klientët

15:30 | 19 Janar 2024
R J

Komisioni i Pavarur i Mediave (KPM) i ka gjobitur me 100 mijë euro katër operatorët kabllorë, të cilat kanë shtrirjen më të madhe në vend, për mos ofrimin e shërbimeve të parapara me kontratë.

Në një mbledhje të mbajtur sot, Komisioni i Pavarur i Mediave vendosi që t’i gjobis katër operatorët: ArtMotion, Kujtesa, Telkos dhe IPKO.

“Më lejoni që të ofrojë rekomandimin që të sanksionohet operatori Artmotion me 64 mijë euro, operatori Kujtesa me 26 mijë euro, ndërkaq operatori IPKO me 7 mijë euro dhe Telkos me 3 mijë euro”, ka thënë kryetari i KPM-së, Jeton Mehmeti.

Rekomandimi i Mehmetit është aprovuar me shumicë të votave nga anëtarët e KPM-së.

Si pasojë e ankesave të qytetarëve ka ardhur ky sanksionim i katër operatorëve kabllorë, mbi 300 ankesa janë dorëzuar në KPM brenda tri javësh, tha sot Jeton Mehmeti i KPM-së.

Mbi 300 ankesa, prej tyre 221 ishin ndaj Artmotion, 87 kundër Kujtesës, 23 për IPKO-n dhe 9 ankesa për Telkosin./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm