Nga 176, sa mendohej se ishin fillimisht, numri ka përfunduar në 3000 veteranë, e për një gjë të tillë dëshmon edhe komandanti i operacionit “Shigjeta”, Spiro Butka, raporton KTV, përcjell Albinfo.ch.
Butka drejton Shoqatën e veteranëve të UÇK-së në Tiranë dhe i ka dëshmuar prokurorit Blakaj për mijëra veteranë të rremë.
Pjesë e shkëputur nga aktakuza e ish-Prokurorit të Prokurorisë Speciale, Elez Blakaj
Butka është një prej dëshmitarëve në aktakuzën e ish-prokurorit Blakaj ngritur ndaj 12 anëtarëve të komisionit qeveritar për njohje dhe verifikim të statusit të veteranit.
Përveç tij, janë edhe 5 persona që dëshmojnë për rritjen enorme të numrit të veteranëve, përfshirë Sami Lushtakun, ish-komandant i Zonës së Drenicës.
Blakaj aktakuzën e tij e kishte ngritur kundër 12 personave, ndër ta ish-komandantë të UÇK-së e zyrtarë të tjerë si Agim Çeku, Nuredin Lushtaku, Shkumbin Demaliaj e Shukri Buja.
Kurse, Nuredin Lushtaku ka shkruar në Facebook rreth përfshirjes së tij në këtë aktakuzë, duke e quajtur atë manipulim, raporton KTV, përcjell Albinfo.ch.
Lushtaku ka treguar se ai nuk e ka nënshkruar listën e të ashtuquajturës “Brigada Hasan Prishtina”, sepse ka thënë se nuk ka qenë në vijën komanduese të Zonës Operative të Drenicës.
Sipas aktakuzës, mbi 19 mijë persona kanë përfituar statusin e veteranit, pa qenë fare pjesëmarrës në luftë, që në vit i kushtojnë buxhetit mbi 38 milionë euro.
Aktakuza e ish-prokurorit Blakaj, për më shumë se 1 muaj, mbetet në Prokurorinë Speciale, ndërsa Blakaj, në fillim të kësaj jave, dha dorëheqje nga ky institucion.
Guardiola befason me deklaratën rreth gjyqtarëve
Pacolli takon kryeministrin e Irakut: Ramë dakord që të viz...
Kurti: Kontributi i diasporës për vendin tonë mbetet madhor ...
Bernardo Silva tallet me Arsenalin shkak trofetë
Qëlluan me armën e shërbimit qytetarin, shpallet në kërkim e...
Çrregullimi Emocional Sezonal gjatë vjeshtës, si ta përballo...