Google ADS

Kosova U18 arrin kualifikimin në Kampionatin Botëror të hendbollit, Rama: Urime vajza, ju jeni krenaria jonë

15:26 | 3 Mars 2024
E.G

Kryetari i Prishtinës, Përparim Rama ka uruar vazjat e Kombëtares U18 në henboll të cilat e dërguan Kosovën në Kampionatin Botëror.

Me anë të një postimi në Facebook, Rama u shpreh krenar me suksesin e vajzave, shkruan Arbresh.info.

“Vajzat tona të Kombëtares U18 në hendboll e dërguan Kosovën në botëror. Suksesin e arritën duke triumfuar në finale IHF Trophy Intercontinental.  Në Tashkent të Uzbekistanit🇺🇿, Kosova U18 e mposhti Nigerinë me rezultat 22:16. Urime vajza, ju jeni krenaria jonë, ne besojmë në ju!”, ka shkruar Rama.

Ndryshe, përfaqësuesja U18 e Kosovës në hendboll ka siguruar kualifikimin në Kampionatin Botëror që do të mbahet gjatë muajit gusht në Kinë.

Ato arritën që të mposhtin Nigerinë në ndeshjen që vendosi fatin e kualifikimit me rezultat 22:16.

Përballja mes hendbollisteve të Kosovës dhe atyre të Nigerisë u zhvillua sot (e diel) në qytetin e Tashkentit në Uzbekistan në kuadër të finales së IHF Trophy Intercontinental./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm