Kosova nuk rrezikon të preket nga sulmet terroriste

10:03 | 2 Janar 2018
Arbresh.info

Gjendja e sigurisë ne vend është jashtëzakonisht stabile, mund të themi se Policia e Kosovës bën përpjeke maksimale që të kujdeset për sigurinë e të gjithë qytetarëve pa dallim.

Kështu ka deklaruar ministri i Punëve të Brendshme të Kosovës, Flamur Sefaj në një intervistë për arbresh.info.

I pyetur se a rrezikohet Kosova nga sulmet terroriste, Sefaj ka thënë se në bazë të vlerësimeve të fundit, Kosova nuk ka indikacione se mund të jetë cak i sulmeve terroriste.

“Sa i përket terrorizmit në bazë të vlerësimeve të fundit Republika e Kosovës nuk ka indikacione se mund të ketë jetë cak i sulmeve terroriste. Por për këtë nuk ka asnjëherë garanci të njëqind përqind, sepse dukuria e terrorizmit është jashtëzakonisht një veprimtari tinëzare e cila godet kur më së paku pritet”, ka thënë Sefaj.

Ai ka kërkuar nga qytetarët që të jenë të qetë sepse Republika e Kosovës nuk do të preket nga kjo e keqe globale./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm