Në Ministrinë e Financave janë mbajtur sot konsultimet mbi bashkëpunimin për zhvillim ndërmjet Qeverisë së Kosovës dhe asaj të Gjermanisë, të cilat kishin për qëllim promovimin e mëtejshëm të zhvillimit ekonomik dhe social të Kosovës drejt integrimit në BE.
Delegacioni i Kosovës u kryesua nga ministri i Financave Bedri Hamza, ndërsa delegacioni i Republikës Federale të Gjermanisë kryesohej nga Heike Backofen-Warnecke, Zëvendësshefe e Divizionit për Evropën Juglindore dhe Lindore, Kaukazi i Jugut, si dhe Ambasadori i Republikës Federale të Gjermanisë në Kosovës Christian Heldt.
Konsultimet u zhvilluan në një atmosferë të hapur të bashkëpunimit konstruktiv. Ato u mbajtën për të shkëmbyer bashkëpunimin e vazhdueshëm dhe zhvillimet aktuale në fushat prioritare: Zhvillimi i Qëndrueshëm Ekonomik, Demokracia, Shoqëria Civile dhe Administrata Publike, si dhe Energjia.
Këto konsultime kishin për qëllim përgatitjen e negociatave bilaterale të planifikuara për gjysmën e dytë të vitit 2018.
Me këtë rast, Hamza dhe Backofen-Warnecke, e nënshkruan protokollin e këtyre konsultimeve për Bashkëpunimin për Zhvillim ndërmjet Qeverisë së Kosovës dhe asaj të Gjermanisë.
Të dy palët u pajtuan që negociatat e ardhshme mbi bashkëpunimin për zhvillim ndërmjet Qeverisë së Kosovës dhe Qeverisë së Gjermanisë do të mbahen në Kosovë (deri në fund të vitit 2018)./arbresh.info/
Kosova bie me 24 vende në Indeksin e Lirisë së Medias, Ambas...
Osmani u prit në takim nga Kryeministri i Malajzisë, Anwar I...
Stresi i futet politikës? Bëhet pjesë e fushatës së Sali Ber...
GLPS: Dështimi i krijimit të institucioneve cenon Planin e R...
FFK pjesë e Konventës së Trajnerëve të UEFA-s për nivelin UE...
‘Asnjë Cent Më Shumë’ dorëzon padi kundër ZRRE-së