Kosova s’është në këtë fazë në agjendën e Komitetit të Ministrave, ka njoftuar zyrtari për media nga Këshilli i Evropës, Daniel Holtgen, për Radio Kosovën.
Ky takim pritet të mbahet më 16 dhe 17 maj.
Komiteti i Ministrave të Evropës mblidhet javën e ardhshme, por Kosova nuk është në këtë fazë pjesë e agjendës, ka thënë zyrtari për media nga Këshilli i Evropës, Daniel Holtgen, për Radio Kosovën.
Pas votimit të suksesshëm në Asamblenë Parlamentare, çështja e anëtarësimit të Kosovës në Këshillin e Evropës, pritej të shkonte në duart e Ministrave të Jashtëm të Këshillit që do të vendosnin përfundimisht nëse Kosova do të bëhej anëtarja më e re e organizatës.
Franca, Gjermania dhe Italia kanë kërkuar kushtëzimin e anëtarësimit në Këshill të Evropës me Asociacionin e komunave me shumicë serbe.
I dërguari i Shteteve të Bashkuara të Amerikës për Ballkanin Perëndimor, Gabriel Escobar paralajmëroi se Kosova mund të mos i ketë votat për anëtarësim në Këshillin e Evropës.
Qeveria e Kosovës e ka quajtur absurd këtë kushtëzim, që Kosova ta dërgojë draftstatutin e Asociacionit të propozuar nga Bashkimi Evropian, në Gjykatën Kushtetuese për interpretim.
Njohësit e rrethanave politike, në Kosovë, i kanë thënë Radio Kosovës se ndonëse është vendim i padrejtë, kërkesa për dërgimin e draftit të asociacionit në Gjykatën Kushtetuese, para se të mblidhet Komiteti i Ministrave, nuk është befasi. Ata thonë se Kosova duhet domosdosë ta bëjë një hap konkret drejt themelimit të Asociacionit, nëse dëshiron të marrë përkrahjen e dy shteteve kryesore, Gjermanisë dhe Francës, për anëtarësim në Këshill të Evropës.
Të ngrëshme apo helmuese? Entuziastët e kërpudhave në Francë...
Mbappe merr një vendim të çuditshëm për karrierën e tij që k...
Yakin deklarohet pas humbjes ndaj Serbisë – flet edhe për pa...
Admirali Munsch tregon nëse do të ketë shtim të trupave të K...
KEDS tregon se ku do të ketë ndërprerje të rrymës sot
Harris me presion ndaj Trump për shëndetin e tij: Nuk dihet ...