Google ADS

“Kosova në heshtje është e pranuar nga Serbia, duhet vetëm formalizimi”

00:25 | 15 Korrik 2018
Trina Galanxhi

Ardian Arifaj, këshilltar i presidentit të Kosovës, Hashim Thaçi, ka thënë se normalizimi i plotë i raporteve ndërmjet Kosovës dhe Serbisë nënkupton pajtim dhe njohje reciproke, e cila, siç thotë ai, në heshtje tashmë ekziston, vetëm duhet të formalizohet.

Këto komente Arifi i ka bërë për RTK2 në gjuhën serbe, transmeton lajmi.net.

“Zgjidhja është ai normalizimi i raporteve të Kosovës dhe Serbisë, pajtimi dhe njohja e dyanshme”, ka thënë ai.

Sipas tij, pranimi i heshtur i Kosovës nga Serbia tashmë ekziston, kështu që do të thotë se dialogu po bëhet për njohjen ‘de jure’ dhe ‘de fakto’ të pavarësia së Kosovës nga Serbia.

“… normalisht edhe njohja e shtetit të Serbisë nga ana e Kosovës edhe në kuptimin formal”, ka thënë Arifi.

Shpërndaje në rrjete sociale

Lajmet më të lexuara

Të ngjashme

Foto lajm