Google ADS

Kosova e gatshme ta ndihmojë Luksemburgun pas përmbytjeve

17:57 | 16 Korrik 2021
L G

Ministri i Mbrojtjes, Armend Mehaj, ka pritur në takim ambasadoren e Luksemburgut në Kosovë, Natacha Gomes, ku u shpreh i gatshëm për mbështetje pas përmbytjeve të fundit.

Ai në këtë takim që u mbajt në kuadër të vizitave të përfaqësueseve të korit diplomatik të akredituar në vendin tonë, tregoi mirënjohjen për përkrahjen e deritanishme të Luksemburgut në Kosovë si dhe e njoftoi Gomes me të arriturat e deritashme të Ministrisë së Mbrojtjes dhe FSK-së si dhe qëllimet dhe objektivat e tij për të ardhmen, thuhet në komunikatën për media, transmeton Klankosova.tv.

Ndërsa diplomatja nga Luksemburgu, falënderoi Mehajn për gatishmërinë e treguar duke e vlerësuar shumë lartë vullnetin e tij për mbështetje në këtë situatë të vështirë.

Tutje Gomes gjithashtu shprehu gatishmërinë e Luksemburgut që të vazhdojë bashkëpunimin me Kosovën me synimin për përforcimin e partneritetit midis dy shteteve edhe në fushën e sigurisë dhe mbrojtjes.

Shpërndaje në rrjete sociale

Lajmet më të lexuara

Të ngjashme

Foto lajm