Kosova dhe Shqipëria thellojnë bashkëpunimin ushtarak

11:54 | 3 Dhjetor 2022
K.B

Ministri i Mbrojtjes, Armend Mehaj e ka takuar sot homologun nga Shqipëria, Niko Peleshi.

Mehaj ka thënë se Prishtina dhe Tirana kanë thelluar bashkëpunimin në fushën ushtarake.

“Edhe në këtë takim me vëllain, Ministrin e Mbrojtjes së Republikës së Shqipërisë, Niko Peleshi ndamë kënaqësinë me sukseset e përbashkëta gjatë këtij viti, duke u zotuar që edhe në vitin e ardhshëm të rrisim bashkëpunimin në fushën e arsimimit e stërvitjeve të përbashkëta ushtarake, me fokus në forcimin e gatishmërisë për ndërveprim operacional sipas konceptit ‘Smart defense’”, ka shkruar Ministri Mehaj.

“Bashkëpunimi bilateral Kosovë -Shqipëri dhe rajonal me vendet partnere në fushën e sigurisë dhe mbrojtjes, është në interes të të dyja vendeve dhe në funksion të paqes, stabilitetit dhe sigurisë rajonale e më gjerë, shkroi Mehaj në facebook. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm