Koronavirusi, gjykatat e Kosovës mbyllen për publikun deri në një vendim tjetër

16:18 | 24 Mars 2020
L G

Këshilli Gjyqësor i Kosovës (KGJK), ka njoftuar se të gjitha gjykatat e Kosovës vazhdojnë të jenë të mbyllura për publikun deri në një vendim tjetër.

Sipas KGJK-së, në këtë vendim përjashtohen rastet e  shërbimeve emergjente siç janë paraburgimet, dhuna në familje apo rastet e tjera urgjente./arbresh.info

Njoftimi  i plotë:

Për shkak të pandemisë së Koronavirusit, të gjitha gjykatat e Kosovës janë të mbyllura për publikun deri në një njoftim tjetër, me përjashtim të shërbimeve emergjente siç janë paraburgimet, dhuna në familje apo rastet e tjera urgjente.

Për të ndihmuar në sigurinë e stafit të gjykatave dhe të qytetarëve, Programi i USAID-it për Fuqizimin e Sistemit të Drejtësisë ka shtypur dhe shpërndarë në gjykata posterë me udhëzime për parandalimin e përhapjes së virusit.

 

 

 

Shpërndaje në rrjete sociale

Lajmet më të lexuara

Të ngjashme

Foto lajm