Google ADS

Kontrollohen nëntë barnatore në Prizren, policia sekuestron 130 barna pa banderola

11:18 | 4 Tetor 2019
Arbresh.info

Nëntë barnatore në Prizren kanë qenë caku i kontrollave së Policisë së Kosovës, me ç’rast janë sekuestruar rreth njëqind e tridhjetë njësi barna pa banderola.

Policia e Kosovës ka njoftuar se pas një bashkëpunimi me inspektoratin farmaceutik dhe zyrtarët e doganës ka kryer këtë kontrollë në bazë të dyshimit për veprën penale “Prodhimi dhe shpërndarja e produkteve të dëmshme mjekësore”.

“Njësiti për Hetimin e Krimeve Ekonomike dhe Korrupsionit në Prizren, në bashkëpunim me inspektoratin farmaceutik dhe zyrtarët e doganës, ka realizuar urdhër kontroll në nëntë (9) barnatore në rajonin e Prizrenit, mbi bazën e dyshimit të arsyeshëm për veprën penale: “Prodhimi dhe shpërndarja e produkteve të dëmshme mjekësore”. Gjatë kontrollit janë gjetur dhe sekuestruar rreth njëqind e tridhjetë (130) njësi barna pa banderola”, thuhet në raportin e policisë.

Nuk raportohet për të arrestuar. Me vendim të prokurorit rasti shkon në procedurë të rregullt.

Shpërndaje në rrjete sociale

Lajmet më të lexuara

Të ngjashme

Foto lajm