Google ADS

Konjufca shpreh falënderimin e tij për urimet nga vendet mike kur ai u zgjodh si kryekuvendar

14:04 | 29 Qershor 2021
Arbresh.info

Kryetari i Kuvendit të Republikës së Kosovës, Glauk Konjufca, ka falënderuar homologët, përfaqësuesit e shteteve mike dhe të organizatave ndërkombëtare për letër-urimet e tyre, dërguar me rastin e zgjedhjes së tij në krye të legjislativit të vendit.

“U ndjeva i lumtur, i vlerësuar dhe i nderuar kur mora letër-urimet e juaja me rastin e zgjedhjes sime në krye të Kuvendit të Republikës së Kosovës. Prandaj, në emër të popullit të Kosovës dhe në emrin tim, iu shpreh falënderimet e mija më të përzemërta për urimet e juaja. Po ashtu u jemi përgjithmonë mirënjohës për mbështetjen e vazhdueshme që vendet e juaja dhe organizatat ndërkombëtare ku punoni i kanë ofruar në vazhdimësi shtetit tonë. Do të punojmë në forcimin e partneritetit dhe zgjerimin e avancimin e bashkëpunimit gjatë rrugëtimit tonë të përbashkët edhe në të ardhmen”, thuhet në letrën e falënderimit të kryekuvendarit Konjufca./arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm